VOV4.Êđê - Tui si anôk bruă ksiêm dlăng klei ruă tưp čar Daknông, ênoh mnuih mâo klei ruă tưp Covid 19 ti čar jing êbeh 1 êbâo čô mnuih leh. Hlăm ênoh anăn mâo 855 čô mdrao hlao leh, 7 čô mnuih djiê. Năng mđing hĭn êdi, ti ƀuôn prŏng Gia Nghiã mrâo lŏ ƀuh 8 čô mnuih tưp djŏ hlăm yang ƀuôn. Hlăm anăn mâo 5 čô djŏ tuôm hŏng ênoh mnuih mâo klei ruă ti ƀuôn prŏng Hồ Chí Minh, lehanăn 3 čô jing mnuih ngă bruă anôk mmuiñ caraoke bi mtưp mơ̆ng čar Daklak. Êpul bruă djŏ tuôm hlăk dôk tui duah bi klă mâo truh 120 čô jing F1, hlăm anăn mâo leh 5 čô leh mkă dlăng djŏ kman Sar CoV 2 hŏng PCR. Bi hŏng mnuih ngă bruă anôk mmuiñ caraoke mtưp mơ̆ng čar Daklak, ară anei dhar bruă djŏ tuôm čar Daknông hlăk dôk tui duah phung djŏ tuôm. Tal êlâo mâo bi klă leh dŭm pluh čô truh ti Gia nghiã phung mâo klei ruă anăn jĕ êrô, hlăm anăn mâo anôk mmuiñ caraoke, lehanăn sang jưh./.

Y Ƀel pô mblang