VOV4.Êđê- Thŭn hriăm 2021 – 2022, čiăng dưi đru kơ hđeh hriăm hră dôk hlăm klei dleh dlan mâo nao sang hră, dhar bruă sang hră mơar čar Daknông ngă leh bruă mkăp hdruôm hră hriăm lehanăn hră čih, lehanăn đru prăk hriăm hră mơar kơ êbeh 22 êbâo čô hđeh djăp gưl. Mơ̆ng anăn, thŭn hriăm 2021 – 2022 čar Daknông mâo truh 22 êbâo 400 čô hđeh dôk hlăm klei dleh dlan jing mnuih djuê ƀiă mâo mbha hră dlăng lehanăn hră čih, hlăm anăn mâo 14 êbâo 300 čô hđeh hriăm gưl sa, êbeh 6 êbâo 900 čô hđeh hriăm gưl 2, lehanăn 1.200 čô hđeh gưl 3. Grăp čô hđeh srăng tŭ mă ênŭm kđrăp hriăm hră mơar mâo hră dlăng, lehanăn mơ̆ng 14 – 24 pŏk hră čih, tui hlue mdê bi gưl hriăm. Hŏng ênoh bi liê jih jang giăm 11 êklai prăk, mơ̆ng ngăn prăk čar. Mbĭt hŏng anăn, phung ƀuôn sang lŏ bi mguôp đru prăk hriăm, đru hdruôm hră dlăng, hră čih, čhum ao kơ hđeh hriăm hră dôk hlăm klei dleh dlan, hđeh êrĭt êrin dưi nao sang hră mơar./.

                        Pô mblang: Y-Khem Niê