VOV4.Êđê - Knơ̆ng bruă sang čư̆ êa ƀuôn prŏng Gia Nghiã, čar Daknông brei thâo, êpul bruă djŏ tuôm mrâo hmao ƀuh 10 čô mnuih mơ̆ng êdeh mâo klei dưi dŭ mdiăng mnơ̆ng mdiăng ba wĭt mơ̆ng krĭng mâo klei ruă tưp mŭt hlăm ƀuôn prŏng Gia Nghiã amâo hưn mthâo ôh kơ klei suaih pral hlăm mlan hrue 1/8. 10 čô anei jing mnuih djuê ƀiă mơ̆ng 18 – 24 thŭn, hdĭp ti kdriêk Lăk, čar Daklak êbat jơ̆ng wĭt mơ̆ng Bình Dương. hlăm mlan anăn mtam, dua čô mgăt êdeh lehanăn 10 čô mnuih anăn pral ba ti anôk bi ktlah sa anôk hlăm ƀuôn prŏng Gia Nghiã čiăng mă mta mkă dlăng kman. Lehanăn Êpul kiă kriê bruă mdrơ̆ng hŏng klei ruă tưp ƀuôn prŏng Gia Nghiã akâo đŭ bi kmhal dua čô mgăt êdeh anăn mâo mrô 48C-045.83 tui si mta mtrŭn, tơdah boh klei anei truh kơ klei bi mtưp klei ruă, srăng lŏ mbŏ hlăm hră mơar phat kđi djŏ tui si klei bhiăn. Hŏng 10 čô mnuih Daklak, ƀuôn prŏng Gia Nghiã srăng bi mguôp hŏng bruă sang čư̆ êa alŭ wăl mghaih msir kơ klei soh hlăm bruă mdrơ̆ng hŏng klei ruă tưp Covid 19./.

Y Khem pô mblang