VOV4.Êđê - Hruê 25/5 mbruê, Klei bi kƀĭn tar rŏng lăn dŭm Đảng phŭn Châu Á (ICAPP) mkŏ mjing leh Klei bi kƀĭn trực tuyến gưl 2 kơ klei ruă Covid 19 hŏng klei nao hgŭm mơ̆ng phung khua kiă kriê 24 Đảng phŭn mơ̆ng 18 ala čar Châu Á, bi ala nao ti Klei bi kƀĭn dŭm bruă Đảng phŭn krĭng Mi La Tinh lehanăn Caribbean mbĭt hŏng dŭm êpul êya tar rŏng lăn. Phung bi alanao ti anôk bi kƀĭn tŭ ư jih jang mnuih ti grăp ala čar amâo mâo klei bi kah ƀun knap – mdrŏng sah brei dưi dưn jih hdră gang mkhư̆ klei ruă Covid 19 msĕ si vaccine lehanăn dŭm hdră ksiêm mkă dlăng, dŏng mdrao. Nguyễn Mạnh Cường, Khua hlăm Anôk bruă Đảng gưl dlông, K’iăng khua Anôk bruă hŏng tač enegao gưl dlông, Khua hlăm Dhar bruă ICAPP, ngă khua êpul Việt Nam nao leh ti anôk bi kƀĭn. Nguyễn Mạnh Cường kah mbha leh klei thâo hlăm hdră gang mkhư̆ Covid 19 mơ̆ng Việt Nam hlăm wưng êgao mbĭt anăn mñă klă klei ƀuăn mơ̆ng Đảng Cộng sản Việt Nam kơ hdră bi hgŭm hŏng tar rŏng lăn gang mkhư̆ Covid 19./.

H Nêč pô mblang