VOV4.Êđê- Aguah 28/12, Knơ̆ng bruă dhar kreh - mjuăt ktang asei mlei leh anăn Hiu čhưn ênguê čar Dak Lak mkŏ mjing leh knăm tŭ mă anăn mnơ̆ng kriê pioh gưl čar hŏng anôk kriê pioh hƀuê ênuk Anôk bruă Knơ̆ng bruă krŭ kdơ̆ng čar Dak lak 1945. Mnơ̆ng kriê pioh hƀuê ênuk Knơ̆ng bruă krŭ kdơ̆ng čar Dak Lak 1945 ti 71 Lý Thường Kiệt, ƀuôn prŏng Ƀuôn Ama Thuôt. Dưi mkŏ mjing mơ̆ng thŭn 1943, anei jing sang mơ̆ng Đầu Viết Chúc, sa anôk bruă cách mạng mơ̆ng Việt Minh. Mơ̆ng thŭn 1944, anôk anei jing anôk bi blŭ hrăm hgăm mơ̆ng Việt Minh ti Dak Lak leh anăn krĭng wăl kwar Krah, mdăp lu phung lĭng kahan krŭ kdơ̆ng. Hlăm mlan 19/8/1945, tinei mkŏ mjing leh Klei bi kƀĭn mjêč mơ̆ng Anôk bruă gĭt gai êjai čar Dak Lak, bi mklă kơ bruă mâo mă bruă sang čư̆ êa ti gưl čar, đru mguôp yuôm bhăn hlăm klei tŭ jing bruă krŭ kdơ̆ng mlan 8 thŭn 1945 mơ̆ng lăn čar. Mbĭt hŏng klei dưi dăp mnơ̆ng kriê pioh gưl čar, mnơ̆ng kriê pioh hƀuê ênuk Anôk bruă krŭ kdơ̆ng čar Dak Lak 1945 dưi jao kơ bruă sang čơ̆ êa ƀuôn prŏng Ƀuôn Ama Thuôt kriê dlăng, duh bi liê mkra mđĭ leh anăn mđĭ lar ênoh yuôm, ngă bruă mtô bi hriăm hƀuê ênuk leh anăn hiu čhưn ênguê.

Pô mblang: H’Zawut Ƀuôn Yă