VOV4.Êđê-  Bi trông kơ klei hưn mdah mơ̆ng Knŭk kna kơ boh tŭ hluê ngă hdră mkiêt mkriêm, bi kdơ̆ng hŏng klei bi liê ti mang thŭn 2020 ti anôk bi kƀĭn tlam hruê 27/5, dŭm klei blŭ mơ̆ng Dhar bruă gĭt gai Quốc hội čih yap leh klei gĭr lehanăn dŭm boh tŭ dưn dưi maoa hlăm thŭn 2020, boh nik hlăm wưng dôk mâo klei yan adiê ngă, klei ruă tưp. Khă snăn, lu boh klei hluê ngă hlăm hdră mkiêt mkriêm, bi kdơ̆ng hŏng klei bi liê mâo ba mdah leh hŏng sa hdră klă mngač.

Brei klei blŭ kơ bruă anei, Khua Quốc hội Vương Đình Huệ nƀă, hluê ngă hdră mkiêt mkriêm, bi kdơ̆ng hŏng klei bi liê ti mang jing hdră mtrŭn prŏng mŏng Đảng, dưi bi êdah klă hlăm klei bhiăn, mbĭt hŏng bruă mđĭ ktang hdră gang mkhư̆ klei ƀơ̆ng ngăn. Kyua anăn, drei mâo wăt Hdră bhiăn gang mkhư̆ klei ƀơ̆ng ngăn lehanăn Hdră bhiăn hluê ngă hdră mkiêt mkriêm, bi kdơ̆ng hŏng klei bi liê ti mang, amâo djŏ knŏng kčah mtrŭn ti krĭng wăl hlăm anôk bruă knŭk kna ƀiădah wăt hlăm krĭng êngao knŭk kna. Ai tiê gĭt gai mŏng Khua knŭk kna brei klă mngač, ngă jăk bruă brei mâo klei pah mni; alŭ wăl, phŭn, bruă yă jăk bruă, amâo dah gru hmô jăk brei dưi mđĭ lả, ti anôk ngă soh, êdu kƀah brei mâo klei ƀuah mkra, tui ksiêm wĭt./.

                                                    Pô mblang: H’Nêč Êñuôl