VOV4.Êđê-  Hlăm klei bi kƀĭn tal 57 mơ̆ng dhar bruă gĭt gai bruă kƀĭn ala, mâo klei blŭ hưn mdah čih yap boh tŭ dưn dưi mâo hlăm hdră êlan mđĭ kyar bruă duh mkra - ala ƀuôn lehanăn ngăn prăk ala čar thŭn 2021 ti hruê 15/6, dŭm čô khua êmua hlăm bruă kƀĭn ala mtă: klei hưn mdah mơ̆ng knŭk kna čiăng mâo klei čih yap klă klơ̆ng kơ klei đru hŏng ênoh 62 êbâo êklai prăk kơ dŭm čô mnuih mâo klei hmăi amâo jăk kyua klei ruă tưp Covid-19 ăt msĕ hŏntg dŭm klei đru mkăn. Mơ̆ng anăn jing atur kơ dŭm hdră êlan mkăn hlăm hruê mmông ti anăp. Blŭ bi ruĕ klei kƀĭn tal 57 mơ̆ng dhar bruă gĭt gai bruă kƀĭn ala, khua bruă kƀĭn ala Vương Đình Huệ mñă klă: leh ruĕ klei kƀĭn, dŭm anôk bruă, êpul êya djŏ tuôm srăng ngă mjêč klei ksiêm duah, tŭ mă klei blŭ grăp boh phŭn hlăm klei bi kƀĭn čiăng dưi bi kluôm ênŭm hră mơar lehanăn klei mĭn tĭng hlăm klei kƀĭn tal 1 mơ̆ng bruă kƀĭn ala gưl 15. Dhar bruă gĭt gai bruă kƀĭn ala ăt bi klă srăng bi leh bruă dăp mnuih mă bruă lehanăn srăng ngă dŭm boh phŭn mkăn hlăm klei kƀĭn tal 1 bruă kƀĭn ala gưl 15.

Pô mblang: Y-Ƀel Êban