VOV4.Êđê- Mmăt mbruê (6/8), ti gŭ klei gĭt gai mơ̆ng Khua bruă kƀĭn ala Vương Đình Huệ, dhar bruă kƀĭn ala mâo leh klei kƀĭn mjêč čiăng mâo boh blŭ kŏ hdră mkăp hdră mtrŭn mơ̆ng knŭk kna kơ bruă ngă dŭm hdră mjêč hlăm bruă gang mkhư̆ klei ruă tưp Covid-19 tui si hdră mtrŭn mrô 30 mơ̆ng bruă kƀĭn ala, dưi ba mdah hlăm klei kƀĭn tal 1 bruă kƀĭn ala gưl 15.

Klă klơ̆ng, jao kơ phŭn bruă mdrao mgŭn, phŭn bruă lĭng khan, kahan ksiêm, bruă sang čư̆ êa dŭm čar bi klă rŭ mdơ̆ng anôk drông jum, mdrao mgŭn kơ mnuih mâo klei ruă tưp Covid-19, mnĭt hŏng anăn, anei jing hră klei dưi ngă bruă lehanăn mâo klei mtă bi mbŏ hruê mmông dưn yua boh phŭn anei truh kơ 2022 lehanăn knŏng dưn yua hlăm dŭm klei mjêč hlăm bruă gang mkhư̆ klei ruă tưp Covid-19 tui si hdră mkăp mâo leh êlâo anăn lehanăn klei găl klă hlăm dŭm alŭ wăl. Blŭ hlăm klei bi kƀĭn, khua bruă kƀĭn ala Vương Đình Huệ lač, bruă ba mdah hdră mtrŭn anei jing klei čiăng êdi, mâo klei mjêč hlăm wưng klei ruă tưp dôk dleh dưi ktuê dlăng, tưp lar lu čar, ƀuôn prŏng hlăm gưl dlông, boh nĭk dŭm čar krĭng dhŭng.

Pô mblang: Y-Ƀel Êban