VOV4.Êđê- Hŏng akŏ “Mbruă mlih mrâo – mdrơ̆ng gĭr ktưn”, Klei bi lông mđung asăp kluôm ala tal XV thŭn 2022 kyua Sang mđung asăp blŭ Việt Nam (VOV) bi hgŭm hŏng Knơ̆ng bruă sang čư̆ êa ƀuôn prŏng Hồ Chí Minh mkŏ mjing mphŭn pŏk leh mmăt mbruê 4/8 ti Sang kdŏ mmuiñ ƀuôn prŏng Hồ Chí Minh.  Klei bi lông thŭn anei mâo klei hgŭm mơ̆ng 86 anôk bruă, mâo 203 klei čih hlăm tuôr bi lông knhal tuič, mâo 65 klei čih hlăm klei yăl dliê; 38 klei êmuh; 11 klei yăl dliê mđung asăp, 57 klei mđung asăp, 33 klei hlăp mgưt; 34 hdră mđung asăp ti mmông anăn mtam.

Klei bi lông mđung asăp tal anei jing sa bruă ngă yuôm bhăn hŏng ƀuôn prŏng Hồ Chí Minh leh anăn kluôm ala leh êbeh 2 thŭn gang mkhư̆ klei ruă Covid-19. Dŭm klei čih lač klă sĭt leh anăn jăk snăk hlăm hdră gang mkhư̆ klei ruă tưp leh anăn kơrŭ wĭt bruă duh mkra ala ƀuôn srăng dưi mpŭ leh anăn mđup brei klei pah mni hlăm gưl bi lông tal anei.

Pô mblang: H’Zawut Ƀuôn Yă