Klei anei mâo lu phung bi ala mơ̆ng dŭm phŭn dhar bruă gưl dlông, lehanăn dlông rŏng lăn, phung khua bi ala, lehanăn phung truăn kơ bruă, phung kreh knhâo, lehanăn phung duh mkra hlăm ala čar lehanăn ala tač ênga. Klei bi trông tal anei jing čiăng Daklak mă lu klei hriăm mơ̆ng ala tač êngao, mkŏ mjing hră mơar čiăng kơ UNESCO tŭ yap, mđĭ kyar bruă kphê hŏng klei kjăp, mguôp hŏng bruă hiu čhưn ênguê lehanăn dhar kreh.

Blŭ hrăm ti anôk anei, Nguyễn Minh Vũ, K'iăng khua phŭn bruă hŏng tač êngao lač, bruă hrŏng ruah kphê jing anôk phŭn kơ klei bi blŭ hrăm hlăm dhar kreh, pioh mjing klei knhêč hlăm hdră mă bruă, đru mđĭ boh tŭ bruă kphê nao hlăm klei hdĭp. Kphê  Việt Nam ară anei, amâo mâo djŏ knŏng hgŭm kjăp hlăm jih jang hdră êlan duh mkra tar rŏng lăn, ƀiădah lŏ mâo bruă klam jing pô hưn mdah kơ dhar kreh, djă ba klei yăl dliê kơ anak mnuih lehanăn knhuah gru dhar kreh Việt Nam truh hŏng mah jiăng ala tač êngao./.