Dak Lak mđĭ klei bi hgŭm hŏng UNESCO leh anăn FAO hlăm bruă răng kriê mnơ̆ng kriê pioh leh anăn mđĭ kyar bruă lŏ hma hơĭt kjăp
Thứ hai, 13:14, 20/04/2026
H’Zawut Ƀuôn Yă/VOV Tây Nguyên
H’Zawut Ƀuôn Yă/VOV Tây Nguyên
VOV.Êđê- Ti ƀuôn hgŭm Ƀuôn Ama Thuôt, khua gĭt gai Knơ̆ng bruă sang čư̆ êa čar Dak Lak drông leh anăn mă bruă hŏng Êpul mă bruă mơ̆ng UNESCO leh anăn FAO mâo Jonathan Wallace Baker, Khua bi ala UNESCO ti Việt Nam leh anăn Vinod Ahuja Khua bi ala FAO ti Việt Nam ngă khua êpul, ƀri gưl nao hlăm Klei bi kƀĭn mnơ̆ng kriê pioh kphê dlông rŏng lăn mkŏ mjing ti Dak Lak.
Hlăm mmông mă bruă, Khua gĭt gai čar Dak Lak akâo kơ UNESCO lŏ dơ̆ng đru mkŏ mjing hră mơar čih mnơ̆ng kriê pioh “Klei thâo pla leh anăn mkra mjing kphê Dak Lak”, mbĭt anăn đru kčĕ mkŏ mjing hră mơar Kdrăn ƀăng kơưp čư̆ pui nah ngŏ čar, mđing kơ anăn knăl Kdrăn ƀăng kơưp čư̆ pui Kluôm rŏng lăn.
Jonathan Wallace Baker, Khua bi ala UNESCO ti Việt Nam brei thâo, UNESCO srăng đru kơ Dak Lak hlăm klei mkŏ mjing hră mơar “Klei thâo pla leh anăn mkra mjing kphê Dak Lak” hưn mdah hŏng UNESCO ksiêm dlăng čih anăn mnơ̆ng kriê pioh dhar kreh amâo êdah klă. Mbĭt anăn, êpul bruă anei ăt srăng lŏ dơ̆ng hrăm mbĭt hŏng alŭ wăl hlăm hră mơar mnơ̆ng kriê pioh mkăn, hlăm anăn mâo Kdrăn ƀăng kơưp čư̆ pui.
Viết bình luận