Hruê dlăng hră lehanăn dhar kreh dlăng hră 2026 hŏng akŏ “Hră lehanăn klei čang hmăng kpưn đĭ”
Thứ ba, 09:46, 21/04/2026
Y-Khem Niê/ VOV Tây Nguyên
Y-Khem Niê/ VOV Tây Nguyên
VOV.Êđê- Kkuh mơak Hruê hdruôm hră lehanăn dhar kreh dlăng hră Việt Nam 21/4, Hruê Hdruôm hră lehanăn Klei dưi dưn ba yua tar rŏng lăn 23/4, Êpul hgŭm bruă Văn học Nghệ thuật čar Dak Lak bi hgŭm hŏng Knơ̆ng bruă sang čư̆ êa ƀuôn hgŭm Phú Yên, Sang kriê pioh mnơ̆ng Dak Lak, Sang dlăng hră čar lehanăn Sang hră gưl dua Trần Hưng Đạo mkŏ mjing hdră Hruê hdruôm hră lehanăn Dhar kreh dlăng hră thŭn 2026 hŏng akŏ “Hră lehanăn klei čang hmăng kpưn đĭ”.
Hruê Hră lehanăn Dhar kreh dlăng hră thŭn 2026 mkŏ mjing lu hdră: Mđup brei hră, jao prăk đru hriăm hră kơ phung hđeh ƀun hriăm thâo; hưn mthâo hdruôm hră lehanăn mjĕ mjuk hŏng phung čih… Phung hđeh hriăm hră jing mta phŭn, hruê hdruôm hră thŭn anei jing wưng tui ksiêm jăk hŏng phung hđeh Gưl tlâo, gưl dua, gưl sa ti alŭ wăl ƀuôn hgŭm Phú Yên.
Hluê si pô čih hdruôm hră Niê Thanh Mai, Khua Êpul hgŭm bruă Văn học Nghệ thuật čar Dak Lak, Hruê Hră lehanăn Dhar kreh dlăng hră thŭn 2026 jing hdră bruă dhar kreh hŏng pô khăp kơ hdruôm hră lehanăn wăt êpul êya, bi mni kơ boh tŭ yuôm mơ̆ng kdruôm hră, mñă klă bruă klam, kơhưm, klei yuôm bhăn mơ̆ng hră hlăm klei hdĭp ala ƀuôn./.
Viết bình luận