VOV4.Êđê-  Aguah mbrue (12/8), ti ƀuôn prŏng Nha Trang, čar Khánh Hoà, bruă Công đoàn Sang mđung asăp Blŭ Việt Nam hgŭm hŏng Anôk bruă jưh dôk tii alŭ wăl kwar Krah mkŏ mjing leh klei bi lông mjuăt asei mlei lehanăn kdŏ mmuiñ alŭ wăl kwar Krah – Lăn Dap Kngư thŭn 2022, mkŏ mjing hlăm dua hrue 12 lehanăn 13/8. 

Anei jing bruă dhar kreh mjuăt asei mlei thŭn 2022 mâo bruă Công đoàn sang mđung asăp blŭ Việt Nam mkŏ mjing, kñăm kkuh mơak bi hdơr 77 thŭn hrue mkŏ mjing sang mđung asăp blŭ Việt Nam (7/9/1945 – 7/9/2022).

Nao ti anôk bi lông mâo giăm 100 čô knuă druh, phung ngă bruă klei mrâo, mnuih mă bruă mơ̆ng sang mđung asăp blŭ hriê mơ̆ng 8 êpul êya anôk bruă mơ̆ng Sang mđung asăp blŭ ti alŭ wăl kwar Krah – Lăn Dap Kngư. Hlăm dua hrue anăn mâo bi lông msĕ sipah mlâo mnŭ, kdăt klŭng, bi ktŭng klei. Lehanăn lŏ mâo klei bi lông kdŏ muiñ msĕ mơh./.

         Pô mblang: Y-Khem Niê