VOV4.Êđê - Hlăm jar Klei bi lông kdŏ mmuiñ kluôm nala tal 1, talm 20/5, Êpul hgŭm kdŏ mmuiñ čih mčeh Việt Nam bi hgŭm hŏng Êpul hgŭm čih mčeh kdŏ mmuiñ čar Dak Lak mkŏ mjing hdră bi tuôm plah wah Khua êpul hgŭm dŭm Êpul čih mčeh kdŏ mmuiñ Việt Nam hŏng khua dŭm êpul nao hlăm klei bi lông kdŏ mmuiñ kluôm ala tal 1 thŭn 2022. Anei jing klei bi tuôm klă sĭt tal êlâo plah wah Khua Êpul hgŭm dŭm Êpul čih mčeh kdŏ mmuiñ Việt Nam Đỗ Hồng Quân hŏng Khua gĭt gai dŭm êpul čih mčeh kdŏ mmuiñ hlăm dŭm čar.

Khua gĭt gai Êpul čih mčeh kdŏ mmuiñ dŭm čar bi trông kơ klei dleh dlan, găl ênưih mơ̆ng anôk bruă hlăm hdră ngă bruă. Kah mbha klei thâo leh anăn hdră ngă mkŏ mjing bruă ngă mơ̆ng êpul hgŭm čiăng mâo klei tŭ dưn. Phung bi ala ăt lač kơ bruă djŏ tuôm kơ klei bhăn ngă bruă, klei dưi hdră bhiăn leh anăn mrô kđăm mơ̆ng êpul alŭ wăl. Akâo kơ bruă bi hgŭm leh anăn klei đru mơ̆ng Êpul bi hgŭm./.

H’ Zawut pô mblang