VOV4.Êđê - Truh hruê 27/1, kdrăp mñê hŏng êa ti kdrŭn hô̆ mran ênao Xuân Hương bi leh bruă knhal tuič ba kơ phung tuê pioh dlăng leh anăn mnuih ƀuôn sang alŭ wăl gưl Nguyên đán Nhâm Dần 2022. Kdrăp mñê hŏng ênai êa anei mâo ênoh bi liê giăm 10 êklai prăk, kyua Knơ̆ng prăk duh bi liê Lan Anh - Đà Lạt mđup brei. Hdră bruă dưi mkŏ dăp ti krĭng wăl Kdrŭn hô̆ mran ênao Xuân Hương, dưi mkra mjing hŏng kdrăp mñê hŏng ênai êa đung ti êlah êa, djăp bruă ngă dưi gai hŏng kdrăp pioh yua hjăn. 

Kdrăp mñê hŏng êa anei mâo êngă amâo đei prŏng ôh ƀiădah sĭt dưi dăp ti sa kjhiêk hlăm ênao Xuân Hương, bi mguôp hŏng anôk jăk siam, đang mnga, ênai mmuiñ, pui mtrang mngač… mjing sa anôk jăk siam mrâo kơ bruă hiu čhưn ênguê ti alŭ wăl. Amâo djŏ knŏng hlăm gưl Tết đuič ôh ƀiădah kdrăp mñê hŏng êa anei srăng mđĭ lar bruă ngă nanao hlăm mlam knăm êma, knăm năm, knăm kjuh grăp hruê kăm, sui truh ƀiă êdi jih hruê 31/12/2024.

Y-Khem pô mblang