VOV4.Ẻđê - Tlam 27/5, ti ƀuôn prŏng Ƀuôn Ama Thuôt, Sang kriê pioh hƀuê ênuk ala čar bi hgŭm hŏng Sang kriê pioh Dak Lak mkŏ mjing klei bi kƀĭn hâo hưn klei tŭ kuai mă mnơ̆ng dưm Thác Hai tal 2. Anôk mâo mnơ̆ng dưm Thác Hai ti alŭ 6, să Ia Jlơi, kdriê Ea Sup, čar Dak Lak. Anôk anei dưi ƀuh hlăm akŏ thŭn 2020 leh anăn kuai mă ral sa hlăm mlan 3 thŭn 2021.

Hlăm gưl kuai mă tal 2 mơ̆ng knhal jih thŭn 2021 truh ară anei, phung kuai mă mnơ̆ng đưm mâo leh lu mnơ̆ng yuôm bhăn msĕ si: jông boh tâo, mnơ̆ng hŏng lăn čuh, mnơ̆ng hŏng ală kĭng, msat ƀăng boh tâo, êbeh 1000 êlan ktir boh tâo dŭm mta leh anăn dŭm êbâo pŏk mčah đơ điêt. Hlue si phung kreh knhâo, wăl mnơ̆ng đưm Thác Hai jing lu mta mnơ̆ng, mâo klei bi êdah mâo mnuih tuôm hdĭp mda tinăn, ăt jing wăl msat đưm, lŏ jing sa anôk mkŏ mjing êlan ktir boh tâo hnơ̆ng prŏng. Wăl kriê pioh đưm mâo boh sui hŏng anei mơ̆ng hlăm brô 3.500 thŭn truh 2000 thŭn leh anăn mâo hnơ̆ng sui hdĭp mda ngă bruă hlăm brô 1000 thŭn./.

            H’ Zawut pô mblang