VOV4.Êđê- Hưn mdah, kčưm kơ knăm kphê Ƀuôn Ama Thuôt gưl tal 8 mĭn tĭng dưi mkŏ mjing ti mlan 3 thŭn 2023, čar Dak Lak mtrŭt mjhar leh klei bi lông video clip hŏng akŏ “Yăl dliê kơ kphê Ƀuôn Ama Thuôt”. Hŏng akŏ anei, dŭm video bi lông srăng hưn mdah kơ kphê Ƀuôn Ama Thuôt amâo mâo guôn mkă hnơ̆ng hruê mmông leh anăn anôk ngă, mnĭt mđung amâo mâo êgao 5 mnĭt.

Klei bi lông srăng mkŏ mjing mơ̆ng ară anei truh kơ jih mlan 12 kơ anăp, hŏng kluôm ênoh klei pah mni truh kơ êbeh 600 êklăk prăk. Dŭm mta klei bi lông srăng dưi yua đru kơ bruă klei mrâo, hâo hưn, hưn mdah kơ kphê Ƀuôn Ama Thuôt, krĭng lăn, anak mnuih Dak Lak leh anăn knăm kphê Ƀuôn Ama Thuôt. Mĭn tĭng knăm kphê Ƀuôn Ama Thuôt gưl tal 8 thŭn 2023 hŏng akŏ “Dak Lak – Anôk jưh jơ̆ng mơ̆ng kphê tar rŏng lăn” srăng dưi mkŏ mjing ti ƀuôn prŏng Ƀuôn Ama Thuôt leh anăn dŭm alŭ wăl hlăm čar mơ̆ng 10/3 – 14/3/2023.

Pô mblang: Y-Ƀel Êban