VOV4.Êđê - Ti să Êa Tar, kdriêk Čư̆ Mgar, čar Dak Lak, Knơ̆ng bruă Dhar kreh mjuăt ktang asei mlei lehanăn hiu čhưn ênguê Dak Lak mkŏ mjing leh Knăm mkŏ wĭt klei mjing ayŏng adei mơ̆ng mnuih djuê ana Êđê kñăm krŭ wĭt lehanăn mđĭ lar dŭm knhuah dhar kreh jăk siam mơ̆ng mnuih djuê ana ƀiă ti alŭ wăl. Knăm anei dưi hluê ngă ti sang H’Djuăn Niê, ti ƀuôn Drai Sĭ, să Êa Tar, kdriêk Čư̆ Mgar, mjing amai adei ayŏng Y-Thôn Niê.

Knăm anei dưi hluê ngă si klei bhiăn mơ̆ng đưm hŏng 3 blư̆ ngă yang, mnơ̆ng ngă yang mâo 7 čeh kpiê, sa drei ŭn knô lehanăn 2 drei mnŭ, mâo lu mnuih ƀuôn sang lehanăn găp djuê dua nah nao čhưn. Knơ̆ng bruă Dhar kreh mjuăt ktang asei mlei lehanăn hiu čhưn ênguê Dak Lak brei thâo, knăm anei jing sa hlăm dŭm hdră bruă mơ̆ng čar kñăm lŏ krŭ wĭt dŭm knăm ngă yang djuê ana mơ̆ng đưm anăp klei huĭ srăng luič ram, mbĭt anăn đru kriê pioh lehanăn mđĭ lar boh tŭ yuôm knhuah dhar kreh čing čhar ti alŭ wăl./.

H’Nêč pô mblang