VOV4.Êđê - Hruê 1/5 ti anăp, ti ƀuôn prŏng Ƀuôn Ama Thuôt, Knơ̆ng bruă Dhar kreh, mjuăt ktang asei mlei lehanăn Hiu čhưn ênguê Dak Lak bi hgŭm hŏng nhạc sĩ Nguyễn Cường mkŏ mjing Mlam kdŏ mmuñ “Hriê hŏng krĭng lăn čư̆ čhiăng” lehanăn rang mdah klei kdŏ mmuñ lehanăn hlăp mgưt “Klei čang hmăng Dam San”.

Knăm anei mâo Anôk bruă sang čư̆ êa čar Dak Lak bi mklă mơ̆ng thŭn 2020 hŏng klei čang hmăng dưi mkra sa hdră kdŏ mmuñ prŏng hlăm Anôk bruă kdŏ mmuñ Việt Nam lehanăn bi mni kơ klei čang hmăng kpưn đĭ mơ̆ng mnuih djuê ana Êđê ti krĭng Lăn dap kngư hlăm hƀuê ênuk lehanăn mơ̆ng Dak Lak hruê anei. Hdră anei mâo Nguyễn Cường čih mkra lehanăn ngă bruă ksiêm dlăng kluôm, nghệ sĩ nhân dân Y San Alio ngă bruă ksiêm dlăng klei kdŏ mmuñ kluôm, phung nghệ sĩ êpul kdŏ mmuñ dŭm djuê ana čar Dak Lak mjuăt hriăm lehanăn mprăp giăm 2 thŭn lehanăn dưi hưn mthâo hlăm knhal jih thŭn 2021./.

H’Nêč pô mblang