VOV4.Êđê -  Hruê 14/6, Knơ̆ng bruă Dhar kreh, mjuăt ktang asei mlei lehanăn hiu čhưn ênguê Dak Lak mkŏ mjing leh Knăm mphŭn pŏk 2 adŭ mtô bi hriăm tông čing kơ phung hđeh êlăk, êdam êra ti kdriêk Krông Ana.

Hlăm anăn, adŭ mtô bi hriăm tông čing Jhô mơ̆ng mnuih Êđê Bih ti wăl krah Ƀuôn Trăp kơ phung hđeh mniê mâo 20 čô hriăm mơ̆ng 6 truh kơ 12 thŭn. Adŭ mtô tông čing ti să Drai Sap mâo 21 čô êkei, mniê mơ̆ng 20 truh kơ 40 thŭn nao hriăm. Hlăm wang 2 mlan, phung hriăm srăng dưi bi hriăm hdră tông phŭn msĕ si Drông tuê, m’ak djŏ boh mnga, ngă yang mdiê mrâo. Dŭm adŭ hriăm dưi mkŏ mjing mmăt ti sang dhar kreh să amâo dah ƀuôn, mâo phung mbruă tông čing ti alŭ wăl mtô. Gưl anei, Dak Lak ăt mphŭn pŏk sa adŭ mtô tông čing Mnông ti kdriêk Lăk kơ 20 čô hđeh mơ̆ng 15 truh kơ 25 thŭn nao hgŭm./.

H’Nêč pô mblang