VOV4.Êđê - Sa hrue hŏng knăm dhar kreh dlăng hră, ti sang hră gưl 3 Võ Văn Kiệt, kdriêk Êa H’Leo, Êpul hgŭm văn học nghệ thuật čar Daklak bi mguôp leh hŏng knơ̆ng bruă dhar kreh, mjuăt asei, lehanăn hiu čhưn ênguê, knơ̆ng bruă sang hră mơar, bruă êdam êra čar, lehanăn sang dlăng hră čar mkŏ mjing hdră “hdruôm hră lehanăn phung hđeh hriăm hră”.

Hlăm hdră anei mâo mkŏ mjing: Klei bi lông kơ pô bi ala dlăng hră čar Daklak thŭn 2022, hưn mthâo kơ hră mơar “Knhuah gru mơ̆ng khua gĭt gai Hồ Chí Minh – hră mơĭt kơ phung êdam êra”; hâo hưn mtô mblang kơ hdră bhiăn “Êđăp ênang klei ba yua internet, lehanăn hlăm hla pŏk yang ƀuôn’. Aduôn Niê Thanh Mai, khua kiă kriê Êpul hgŭm Văn học nghệ thuật Daklak brei thâo, hdră anei kñăm đru kơ phung hđeh hriăm hră mâo klei găl dưi dlăng hră, mjuăt bi mưng klei khăp dlăng hră mơar ti sang hră, boh nik hlăm dŭm boh sang hră taih kbưi./.

Y-Khem pô mblang