VOV4.Êđê - Hrue mbrue (28/4), Êpul nga bruă mơ̆ng Êpul Gơ̆ng bruă knhuah gru dhar kreh ala čar mâo leh mmông mă hŏng knơ̆ng bruă sang čư̆ êa čar Gialai kơ klei UNESCO mtă kơ jih jang knhuah gru dhar kreh amâo mâo êdah klă mơ̆ng anak mnuih, răng kriê lehanăn mđĭ bi lar hĭn ngăn dưn ala čar. Čar Gialai mâo 33 anôk jing gru grua, knhuah dhar kreh dưi bi dăp gưl.

Hlăm anăn mâo wăt alŭ wăl Tây Sơn Thượng Đạo wăl krah An Khê mâo tŭ yap leh jing alŭ wăl knhuah gru ala čar, mbĭt hŏng 8 anôk ala čar tŭ yap lehanăn 16 anôk gưl čar. Mbĭt hŏng anăn, bruă cicng čhar, klei khan yăl dliê đưm djuê ana Bahnar, klei ngă yang iêo hjan mơ̆ng Mtao pui, mâo dăp leh hlăm ênoh dhar kreh amâo mâo êdah klă. ALŭ wăl kngauh gru An khê, lehanăn kdriêk Đăk Pơ mrâo anei lŏ ƀuh lu mnơ̆ng kdrăp đưm mâo 80 êbâo thŭn êgao, bi knăl kơ knhuah gru dhar kreh hƀuê ênuk Việt Nam. Siămdah, bruă kriê pioh dhar kreh anei adôk tuôm hŏng lu klei dleh dlan. Ti anôk mă bruă mâo leh lu klei blŭ, klei akâo kñăm čiăng dưi nga bruă yap anei jing phŭn kơ klei mđĭ kyar bruă duh mkra, anăp kơ klei rŭ mdơ̆ng Gialai jing anôk phŭn kơ knhuah gru dhar kreh Lăn Dap Kngư./.

 Y-Khem pô mblang