VOV4.Êđê - Hlăm dŭm hrue giăm tết, Siu Philip kkiêng thŭn 1992, ti ƀuôn Yon Tok, să Ia Glai, kdriêk Čư̆ Sê, čar Gialai hlăk hrăm mbĭt hŏng găp djuê mprăp mkra dŭm mta mnơ̆ng ƀơ̆ng kơ dŭm hrue tết. Mâo kpiê čeh, kđeh čĭm êmô ƀhu sa mđiă, mnŭ, ŭn, braih điŏ mâo leh djăp ênŭm. Tui si ñu, Tết amâo mâo dưi kƀah ôh mnơ̆ng tak mnuih Jrai mkra. Anăn jing hră hdăm sao. Ñu mbĭt hŏng amai ñu pô nao kơ să Ia Mơr, kdriêk Čư̆ Prông, kbưi hŏng anôk mnuih dôk hlăm brô 20km čiăng tui duah hdăm sao. Siu Philip lač: “Hra hdăm sao kreh mă hdăm jăk hĭn jing hlăm yan không, ƀơ̆ng jăk hĭn. kyuadah hlăm yan không mâo boh hdăm. Yan không kâo mơ̆ng sang nao truh kơ să Ia Mơr, kdriêk Čư̆ Proong, yan anei lu êdi hdăm, djă hruh nilon, dhŏng, thŭng. Ƀuh hruh hdăm snăn mñao hlăm hruh nilon. Tăpnăng mơ̆ng 3h aguah truh kơ 8h aguah bŏ leh hdăm, mâo truh 2-3kg myun êdi. leh wĭt kơ sang, srăng tram hlăm êa doh, lehanăn ƀhu krô mơ̆ng 1 –2 mđiă. leh kơ anăn tlê hŏng hra, hŏng amrêč, pioh ƀơ̆ng hlăm hrue tết amâodah pioh mơ̆ng 2- 3 mlan ƀơ̆ng mkriêm jăk mơh. hlăm wưng tết, kâo kreh mkra mnơ̆ng tak hŏng hră anei hŏng kđeh čĭm êmô ƀhu krô, kđeh čĭm ŭn, thâodah kđeh čĭm kkuih jăk êdi”./.

Y-Khem pô mblang