VOV4.Êđê - Mmăt hruê mbruê 26/8, ti Anôk bruă Dhar kreh čar Dak Lak, Êpul hgŭm čih mčeh- kdŏ mmuiñ Dak Lak bi hgŭm hŏng Knơ̆ng bruă Dhar kreh - mjuăt ktang asei mlei leh anăn hiu čhưn ênguê mkŏ mjing hdră hưn mthâo phung čih mčeh, klei mmuiñ, kkuh drông hruê klei mmuiñ Việt Nam thŭn 2022.

Hlăm Hdră, ƀĭng dôk dlăng dưi hmư̆ klei kdŏ mmuiñ jăk snăk hŏng klei mmuiñ čih kơ krĭng lăn leh anăn dhar kreh alŭ wăl kyua phung čih mčeh klei mmuiñ ti Dak Lak mčeh msĕ si:  Klei Khan, Mniê êra Êđê Bih, Ală Siam Ban Mê, Rock Kphê, Mgi kâo wĭt Ban Mê, Ƀuôn Ama Thuôt - Adei.  Hŏng wăl kdŏ mmuiñ jiă kma knhuah Lăn Dap Kngư, klei mdah jăk snăk mơ̆ng phung kdŏ mmuiñ hŏng klei bi blŭ hrăm jih ai tiê phung čih mčeh klei mmuiñ ba kơ ƀĭng dôk dlăng klei khăp mđing hmư̆, mđing dlăng./.

H’ Zawut pô mblang