VOV4.Êđê - Hruê mbruê 15/2, ti êlan hdruôm hdră – kphê ƀuôn prŏng Ƀuôn Ama Thuôt, êpul čih klei yăl dliê čar Dak Lak bi mguôp leh hŏng knơ̆ng bruă dhar kreh, mjuăt ktang asei mlei leh anăn hiu čhưn ênguê čar mkŏ mjing hdră Hruê klei duê Việt Nam tal 20, thŭn 2022. Mkŏ mjing mơ̆ng ară anei truh kơ jih hruê 17/2 kơ anăp.

Hdră anei mâo akŏ “Hdĭp leh anăn hmăng hmưi” dưi mkŏ mjing hŏng lu mta bruă jăk, mâo klei bi mguôp plah wah knhuah đưm leh anăn mrâo mrang, mâo gru kđăm mdê kơ knhuah dhar kreh dŭm djuê ana mnuih djuê ƀiă ti nei.

Hlăm hdră anei, dŭm pŏk rup “Angĭn wĭt ti kang êlan ƀuôn prŏng” mơ̆ng pô kêč rup Bảo Hưng dưi mđup brei kơ êpul gĭt gai hdră “Čhiên êsei ti mtih Ƀuôn Ama Thuôt” čiăng čhĭ hlăm klei bi lông blei pioh mkŏ mjing keh prăk đru kơ phung mnuih ruă ƀun ƀin dôk mdrao ti sang êa drao prŏng krĭng Lăn Dăp Kngư.

Y-Ƀel pô mblang