Hrăm mbĭt hưn mdah klei jăk kơ Daklak – Anôk truh jĕ giăm hŏng êman
Thứ tư, 14:30, 26/10/2022
VOV Tây Nguyên
VOV Tây Nguyên
VOV4.Êđê - Aguah 25/10, ti Ƀuôn Ama Thuôt, knơ̆ng bruă dhar kreh – mjuăt asei mlei - hiu čhưn ênguê Daklak lehanăn knơ̆ng bruă lŏ hma čar mguôp hŏng anôk mjuăt hriăm bruă răng kriê mnơ̆ng dliê, bi trông bruă hrăm mbĭt bi êdah klei jăk siam Daklak – anôk truh jĕ giăm hŏng êman.
Boh klei ti anôk bi trông, mơ̆ng thŭn 2018 truh kơ ară anei, čar Daklak mâo mghaih msir leh 49 klei ngă soh bi rai hlô mnơ̆ng dliê, boh nik čhĭ mla êman, mnơ̆ng mơ̆ng êman.
Hlăm ênoh anei, mâo 2 čô ti ƀuôn prŏng Ƀuôn Ama Thuôt đŭ leh êbeh 390 êklăk prăk grăp čô diñu, lehanăn sa čô mkăn krư̆ hlăm mnă truh sa thŭn mkrah. Knŏng hlăm 6 mlan akŏ thŭn anei, mâo mghaih msir dŭm klei ngă soh hŏng êman ti Daklak jing êbeh 2 êklai prăk.
Ti anôk bi trông, dŭm êpul êya ngă bruă hiu čhưn ênguê bi trông kơ bruă mđĭ hĭn klei thâo săng mơ̆ng phung tue bi răng mgang êman, gang mkhư̆ klei ngă soh hŏng êman. Hâo hưn kơ bruă klei jing ti Daklak anôk čhưn jăk hŏng êman, čiăng kơ tue mâo klei thâo săng bi kriê pioh răng mgang./.
Viết bình luận