VOV4.Êđê- Tlam mbruê 5/8, ti ƀuôn prŏng Ƀuôn Ama Thuôt, mkŏ mjing leh klei kƀĭn trông hưn mdah, mtrŭt mđĭ bruă hiu čhưn ênguê truh ti 5 čar "Quảng Bình - Quảng Trị - Thừa Thiên Huế- Đà Nẵng - Quảng Nam" ti dŭm čar krĭng Lăn Dăp Kngư. Klei kƀĭn kñăm hưn mdah rup Wăl kriê pioh kdrưh kơăm, hưn mdah dŭm mta mnơ̆ng bruă bruă hiu čhưn ênguê leh anăn hdră mtrŭt mđĭ mơ̆ng 5 čar alŭ wăl krĭng kwar krah jing Quảng Bình, Quảng Trị, Thừa Thiên Huế, Đà Nẵng leh anăn Quảng Nam truh ti dŭm knơ̆ng bruă hiu čhưn ênguê leh anăn hiu tăt tuê ti alŭ wăl krĭng Lăn Dăp Kngư.

Mbĭt anăn mkŏ mjing klei bi mguôp bruă hiu čhưn ênguê plah wah 5 čar anei hŏng dŭm čar krĭng Lăn Dăp Kngư, mkŏ mjing klei găl kơ dŭm knơ̆ng bruă bi mguôp mđĭ kyar mnơ̆ng dhơ̆ng hiu čhưn ênguê, mđĭ hĭn klei bi mguôp plah wak 2 alŭ wăl, đru krŭ wĭt, mđĭ kyar leh anăn ba bruă hiu čhưn ênguê jing bruă duh mkra kñăm. Hluê anăn, dŭm anôk bruă bi klă klei bi mguôp, mđĭ kyar bruă hiu čhưn ênguê palh wah dŭm čar krĭng kwar krah leh anăn krĭng Lăn Dăp Kngư.

Pô mblang: Y-Ƀel Êban