VOV4.Êđê- Čar Dak Nông dôk mjêč mprăp kơ Klei bi kƀĭn lu ala čar kơ bruă ƀăng k’ưp čư̆ pui tal 20 (ISV 20) mkŏ mjing hlăm knhal jih thŭn anei, mâo klei nao hgŭm mơ̆ng jih jang ala čar hgŭm hlăm Êpul wăl anôk ƀăng k’ưp čư̆ pui tar rŏng lăn UNESCO. Hluê hdră kčah, Klei bi kƀĭn anei mkŏ mjing mơ̆ng hruê 22-26/11/2022. Dŭm klei bi kƀĭn trông, rang mdah lehanăn hưn mthâo, mtrŭt mđĭ bruă hiu čhưn ênguê srăng dưi mkŏ mjing ti Anôk bruă bi kƀĭn prŏng čar Dak Nông.

Hluê aduôn Tôn Thị Ngọc Hạnh, K’iăng khua Anôk bruă sang čư̆ êa čar Dak Nông, bruă mkŏ mjing klei bi kƀĭn anei jing sa klei găl čiăng hưn mthâo kơ Wăl anôk ƀăng k’ưp čư̆ pui tar rŏng lăn UNESCO Dak Nông truh hŏng ƀĭng găp ala tač êngao. Anei ăt jing wưng mtrŭt mđĭ hdră ksiêm hriăm kreh knhâo kơ bruă ƀăng k’ưp, čư̆ pui, đru kriê pioh lehanăn ba yua tŭ dưn knhuah gru tŭ yuôm ti alŭ wăl./.

                                                    Pô mblang: H’Nêč Êñuôl