VOV4.Êđê- Tlam mbruê 21/9, ti sang bi lông mjuăt ktang asei mlei čar Dak Lak, mkŏ mjing leh anăn pŏk klei bi lông knhal tuč bi lông čưng boh phung hđeh sang hră gưl 1 leh anăn gưl 2 kluôm ala đĭng jô Milo thŭn 2022 mkŏ mjing mơ̆ng hruê 21 -27/9/2022, hŏng klei nao hgŭm mơ̆ng 248 čô bi lông hriê mơ̆ng 15 knơ̆ng bruă mtô mjuăt bi hriăm hlăm kluôm ala.

Hlăm anăn, klei bi lông gưl hđeh sang hră gưl 1 mâo 12 êpul, hđeh sang hră gưl 2 mâo 9 êpul. Anei jing dŭm êpul čưng boh kdlưn hĭn hlăm klei bi lông hrŏng mă alŭ wăl 1 ti čar Phú Thọ leh anăn Alŭ wăl 2 ti čar Bình Dương. Klei bi lông anei jing anôk hlăp lêñ knhuah gru, đăo knang, dưi mkŏ mjing hlăm grăp thŭn, jing hruê knăm kơ phung hđeh sang hră khăp kơ klei čưng boh.

Pô mblang: Y-Ƀel Êban