VOV4.Êđê - Ti wăl hiu čhưn ênguê Kolia, să Thành Công, kdriêk Nguyên Bình, čar Cao Bằng, êpul hgŭm phung čih klei yăl dliê dŭm djuê ana mnuih djuê ƀiă Việt Nam mkŏ mjing mkŏ mjing leh hdră bruă čih mčeh klei yăl dliê dŭm djuê ana mnuih djuê ƀiă Việt Nam thŭn 2022. Nao hlăm hdră anei mâo 32 čô hgŭm hlăm êpul čih klei yăl dliê mơ̆ng 13 čar, ƀuôn prŏng krĭng kwar Dưr mâo: Phú Thọ, Cao Bằng, Hà Nội, Lạng Sơn, Tuyên Quang, Bắc Kạn, Hòa Bình, Quảng Ninh, Thanh Hóa, Hà Giang, Yên Bái, Thái Nguyên và Bắc Ninh. 

Mơ̆ng hruê 4/4 truh kơ hruê 12/4, phung nao hgŭm srăng bi trông kơ dŭm klei čih mčeh dŭm mta msĕ si: čih klei yăl dliê, kêč rup, mă rup, klei mmuñ, klei hlăk mblang, klei kdŏ mmuñ knhuah gru. Phung nao hlăm klei pơ̆ng nưh anei srăng nao ksiêm dlăng leh anăn čih mčeh ti dŭm kdriêk Nguyên Bình, Trùng Khánh, Hà Quảng. Pô čih klei yăl dliê Mông Văn Bốn, sa čô hgŭm hlăm êpul čih klei yăl dliê čar Cao Bằng brei thâo: “Nao hgŭm hlăm klei pơ̆ng nưh bruă čih mčeh mơ̆ng êpul hgŭm phuung čih klei yăl dliê dŭm djuê ana mnuih djuê ƀiă gưl tal anei mâo boh tŭ yuôm bhăn hŏng kâo, kyua kâo dưi tui hriăm dŭm klei thâo bruă čih mčeh mơ̆ng phung ƀĭng hgŭm čih kơ krĭng lăn čư̆ êa Cao Bằng. Hluê anăn dưi đru kơ kâo mâo thiăm klei hriăm čih mčeh yuôm bhăn ”

Y-Ƀel pô mblang