VOV4.Êđê -  Hlăm 2 hruê (20-21/7), ti ƀuôn prŏng Ƀuôn Ama Thuôt, čar Dak Lak mkŏ mjing hdră mjĕ êrô dhar kreh phung hđeh dŭm djuê ana krĭng kwar Krah- Lăn Dap Kngư. Nao hlăm hdră mâo 200 čô bi ala jing phung hđeh mnuih djuê ƀiă ti dŭm čar Dak Lak, Đà Nẵng, Lâm Đồng, Kon Tum, Dak Nông, Gia Lai.  

Phung hđeh amâo djŏ knŏng hriăm thâo ôh ƀiădah lŏ jing phung khua adŭ bi hmô, Khua êpul hđeh hlăm sang hră, hlăm adŭ, khăng đru ƀĭng găp gĭr hriăm. Hlăm hdră, phung hđeh dưi hgŭm hlăm mlam čuh dram pui leh anăn dlăng klei kdŏ mmuiñ jăk siam jiă kma knhuah djuê ana kyua dŭm êpul nao mdah; hgŭm hlăm dŭm bruă mjĕ êrô, tui duah dŭm knhuah dhar kreh jăk siam hlue si krĭng kwar…

Gưl anei, Bruă êdam êra gưl dlông Hồ Chí Minh myơr hdră bruă tač mjuăt asei mlei êpul êya mâo ênoh 150 êklăk prăk leh anăn sang čhiăm băk hrah mâo ênoh 80 êklăk prăk kơ čar Dak Lak.  Keh đru hriăm hră Vừ A Dính mđup brei 50 hnư prăk đru hriăm hră mâo ênoh 50 êklăk prăk kơ 50 čô hđeh djuê ƀiă ti krĭng kwar Krah- Lăn Dap Kngư./.

H’ Zawut pô mblang