VOV4.Êđê -. Khua lăn čar Nguyễn Xuân Phúc bi klă leh bruă mđup brei mêđai klei mă bruă kơ phung bi lông kdlưn hĭn hlăm Seagames 31 mrâo êgao. Hluê anăn, Khua lăn čar bi klă mđup brei mêđai mrô 2 kơ 5 čô mâo klei êdah êdi hlăm seagames 31 jing: Nguyễn Huy Hoàng, êpul bi lông luê êa ala čar, mâo mă 5 mêđai êa mah, Trần Hưng Nguyên, êpul bi lông luê ala čar, mâo mă 4 mêđai êa mah, Nguyễn Thị Hương, êpul bi lông Canoeing ala čar, mâo mă 5 mêđai êa mah, pô bi lông Nguyễn Thị Oanh, êpul bi lông êran ala čar mâo mă 3 mêđai êa mah. Khua lăn čar Nguyễn Xuân Phúc ăt bi klă mđup brei mêđai mă bruă mrô 3 kơ 2 êpul êya leh anăn 19 čô mâo klei bi lông êdah êdi hlăm Sea Games 21. 2 êpul anăn mâo: Êpul čưng boh U23 Việt Nam leh anăn Êpul čưng boh mniê Việt Nam, dưi mâo mă mêđai êa mah hlăm Sea Games 31.

Y-Ƀel pô mblang