VOV4.Êđê- Aguah 24/4, ti ƀuôn prŏng Kon Tum, Phŭn bruă Dhar kreh, mjuăt ktang asei mlei leh anăn hiu čhưn ênguê bi hgŭm hŏng Knơ̆ng bruă sang čư̆ êa čar Kon Tum mkŏ mjing Klei bi kƀĭn “Hiu čhưn ênguê Kon Tum - klei găl leh anăn klei čang hmăng”. Klei bi kƀĭn anei iêô jak klei hgŭm mơ̆ng giăm 500 čô bi ala jing phung kriê dlăng, phung thơ̆ng kơ bruă; Êpul hgŭm, êpul grup duh mkra bruă hiu čhưn ênguê, sang jưh, dŭ mdiăng; phung bi ala mơ̆ng dŭm čar Dhŭng Lao, Ngŏ Dưr Campuchia mâo êlan knông lăn mbĭt hŏng čar Kon Tum.

 Khua phŭn bruă Dhar kreh mjuăt ktang asei mlei leh anăn hiu čhưn ênguê Nguyễn Văn Hùng bi mklă, Phŭn bruă leh anăn dŭm alŭ wăl hlăm kluôm ala dôk mâo lu hdră msir, gĭr mkŏ mjing dŭm bruă ngă čiăng kơrŭ wĭt bruă hiu čhưn ênguê leh klei ruă Covid-19. Klei bi kƀĭn “Hiu čhưn ênguê Kon Tum- Klei găl leh anăn klei čang hmăng” jing klei găl čiăng kơ anôk bruă duh mkra bi tuôm, mjĕ êrô, bi siñê klei bi hgŭm hlăm bruă hiu čhưn ênguê ti alŭ wăl.

                                              Pô mblang: H’Zawut Ƀuôn Yă