VOV4.Êđê -  Bi hdơr 77 thŭn Hruê mkŏ mjing Sang mđung asăp blŭ Việt Nam, ti Anôk bruă mđung asăp ala čar 58 Quán Sứ Hà Nội, Sangmđung asăp blŭ Việt Nam mkŏ mjing leh Knăm bi lông kdŏ mmuñ krĭng kwar Dưr. Hŏng anăn bi mni kơ ƀuôn sang, lăn čar, bi mni kơ Đảng, Awa Hô, bi mni kơ knhuah gru Sang mđung asăp blŭ Việt Nam, phung knuă druh. Mnuih mă bruă klei mrâo mơ̆ng Sang mđung asăp blŭ Việt Nam hlăm kluôm ala ba leh ti knăm anei dŭm hdră kdŏ mmuñ jăk, tŭ dưn êdi. Knăm anei jing wưng phung knuă druh, mnuih mă bruă lŏ bi hdơr kơ hƀuê ênuk kdrưh k’ăm jhŏng ktang mơ̆ng Sang mdung asăp blŭ Việt Nam hrăm mbĭt hŏng ala čar dơ̆ng mơ̆ng hruê mkŏ mjing ala čar, găn dua hdră mblah, hdră mlih mrâo lehanăn mkŏ mkra, răng mgang ala čar. Đru krŭ wĭt klei khăp, klei ktưn hưn kơ bruă, klei khăp m’ai, klei đua klam mơ̆ng pô mă bruă klei mrâo, krơ̆ng kjăp lehanăn mđĭ lar knhuah gru, đru mguôp hlăm hdră mđĭ kyar mơ̆ng ala čar. Knăm anei ăt jing wưng dŭm êpul bruă bi mjĕ mjuk, tui hriăm klei thâo, hyuă kjăp klei hgŭm mguôp, bi leh jih bruă klam mâo kčah jao.

Mmăt mbruê (6/9), mkŏ mjing leh Knăm jao klei pah mni Asăp blŭ Việt Nam thŭn 2022. Dŭm klei kdŏ mmuñ êdah êdi ti dŭm krĭng hlăm kluôm ala srăng rang mdah ti knăm anei, kkuh m’ak 77 thŭn hruê mkŏ mjing Sang mđung asăp blŭ Việt Nam./.

H’Nêč pô mblang