VOV4.Êđê - Knơ̆ng bruă Dhar kreh, mjuăt ktang asei mlei lehanăn hiu čhưn ênguê bi hgŭm hŏng Anôk bruă djuê ana čar Dak Lak mkŏ mjing leh Klei bi lông mjuăt asei mlei dŭm djuê ana ƀiă čar Dak Lak thŭn 2022. Mâ0 7 mta klei bi lông ti êpul êkei, mniê mâo: Pah boh, čưng boh mini, êran, đĭ kwưng, mnah hna, trŭt hlâo lehanăn ktŭng klei; mâo êbeh 600 čô nao bi lông. Anei jing klei bi lông mjuăt ktang asei mlei dưi mkŏ mjing nanao, kñăm mđĭ lar hdră hriăm mjuăt lehanăn bi lông mjuăt ktang asei mlei, mđĭ klei suaih pral.

Mơ̆ng anăn, hrŏng ruah phung bi lông êdah êdi, mâo boh tŭ kdlưn čiăng mŭt hlăm êpul bi lông mơ̆ng čar nao ti Klei bi lông mjuăt asei mlei dŭm djuê ana ƀiă kluôm ala srăng dưi mkŏ mjing ti čar Lai Châu hlăm thŭn anei. Mjưh ruê̆ klei bi lông, Anôk mkŏ mjing jao leh 149 klei pah mni mrô sa, dua, tlâo ti dŭm klei bi lông kơ grăp čô, êpul êya mâo klei pah mni. Kdriêk Krông Bŭk dôk mrô sa kluôm êpul bi lông thŭn anei./.

H’Nêč pô mblang