Anei jing thŭn hriăm tal êlâo mơ̆ng sang hră hlăm Dhar bruă djuê ana. Dôk hlăm dŭm sang hră mdê hjan hlăm kluôm ala, sang hră anei jing sang sah gưl prŏng mkăp tal êlâo dưi mkŏ mjing hlăm kluôm ala hluê ngă dŭm hdră êlan djuê ana mơ̆ng Đảng leh anăn knŭk kna hlăm bruă mtô mjuăt bi hriăm. Hlăm dŭm thŭn êgao, mâo leh êbeh 23 êbâo čô hđeh sang hră dŭm gưl dưi hriê kơ prŏng, dôk mă bruă knuă hlăm djăp krĭng kwar ala čar.

Ară anei, sang hră gưl prŏng rông ba hđeh sang hră mnuih djuê ƀiă gưl dlông jing sang hră mâo hnơ̆ng mtô mjuăt phung hđeh sang hră mkăp kơ sang hră gưl prŏng jing prŏng hĭn hlăm kluôm ala, hŏng 1.000 čô hđeh sang hră nao hriăm hlăm grăp thŭn čiăng lŏ mtô mjuăt hluê si hnơ̆ng mơ̆ng hdră mtô mjuăt gưl tlâo êlâo kơ ba diñu nao hriăm ti dŭm sang hră gưl prŏng.