VOV4.Êđê - Hruê 4/4, Khua phŭn bruă Dhar kreh – Mjuăt ktang asei mlei lehanăn Hiu čhưn ênguê Nguyễn Văn Hùng bi mklă leh Knăm m’ak Katê mơ̆ng mnuih Čam ti Bình Thuận jing knhuah gru dhar kreh amâo êdah klă ala čar. Ka tê jing sa knăm m’ak djuê ana prŏng hlămthŭn mơ̆ng mnuih Čam hluê đăo Balamon, mkŏ mjing hlăm akŏ mlan 7 Čam lịch grăp thŭn (Hlăm knhal jih mlan 9 lehanăn akŏ mlan 10 dương lịch). Anei jing knăm m’ak djuê ana jăk siam, bi hdơr kơ phung yang mơ̆ng mnuih Čam lehanăn bi hdơr kơ phung aê aduôn atâo atiêt. Knăm m’ak Katê mkŏ mjing hlăm wăl anôk prŏng, mphŭn mơ̆ng sang čuôr leh kơnăn lar truh kơ dŭm alŭ, ƀuôn lehanăn knhal tuič truh kơ grăp gŏ sang mnuih Čam. Mnuih djuê ana Čam ti čar Bình Thuận mâo êbeh 8.300 gŏ êsei hdĭp mda. Hlăm anăn, êbeh mkrah wah mnuih Čam tinei hluê đăo Balamon. Knăm m’ak Katê jing leh sa hdră bruă yuôm bhăn mơ̆ng mnuih Čam ti Bình Thuận, đru kriê pioh lehanăn mđĭ lar boh tŭ yuôm dhar kreh mơ̆ng mnuih Čam. Mbĭt anăn, anei lŏ jing klei găl čiăng hưn mthâo dhar kreh Čam truh hŏng phung tuê hiu čhưn ênguê hlăm lehanăn êngao ala čar./.

H’Nêč pô mblang