Mmăt mbruê 23/10, Khua hlăm Phŭn bruă kđi čar, Khua Sang hră kđi čar ala čar Hồ Chí Minh Nguyễn Xuân Thắng nao hlăm Knăm mđup brei klei pah mni bi lông čih kơ bruă răng mgang tur knơ̆ng klei mĭn mơ̆ng Đảng, bi kdơ̆ng hŏng klei mĭn soh čhuai, bi roh tal 2, thŭn 2022. Klei bi lông mâo mă leh 116 êbâo klei čih. Anôk bruă mkŏ mjing ruah leh 12 klei pah mni mrô A; 20 klei pah mni mrô B; 30 klei pah mni mrô C; 40 klei pah mnĭ mđĭ ai; 20 phung/êpul čih jing êdam êra mâo klei čih jăk dưi mđup brei klei pah mni mđĭ ai leh anăn 15 êpul lu êdah êdi kơ dŭm anôk bruă, alŭ wăl.

Nguyễn Xuân Thắng mñă klă: Mâo lu klei čih mjing leh tur knơ̆ng čih mblang leh anăn boh sĭt yuôm bhăn, čiăng lŏ dơ̆ng ksiêm dlăng, ksiêm wĭt bruă răng mgang tur knơ̆ng mơ̆ng Đảng, bi kdơ̆ng hŏng klei mĭn bi roh hlăm wưng êgao, kčah hdră tă, hdră msir boh sĭt kñăm mđĭ klei tŭ dưn hlue ngă bruă klam kđi čar yuôm bhăn anei hlăm wưng kơ anăp./.