VOV4.Êđê - Hrue mbrue (25/1), jing hrue 23 mlan knhal jih thŭn, hlue si klei bhiăn mnuih Việt Nam, anei jing hrue yang kpur đĭ kan chep wĭt kơ adiê čiăng nao hưn hŏng yang adiê jih jang bruă knuă mơ̆ng pô sang anăn. Kyuanăn, grăp thŭn hlăm hrue anei, phung ƀuôn sang hlăm kluôm ala mprăp sơăi knăm anei, mnơ̆ng atăt yang kpur wĭt kơ adiê. Thŭn anei, kyua hmăi amâo mâo jăk mơ̆ng klei ruă tưp Covid 19 snăn lu phung ƀuôn sang mprăp sa hlao mnơ̆ng ƀơ̆ng man djăp ênŭm, amâo mâo kdrăm k'ah ôh, kñăm mkiêt mkriêm, ƀiădah ăt adôk djă pioh knhuah bhiăn đưm anei, anăn jing nao phưi kan chep leh klei nga yang, hŏng klei hmăng hmưi srăng mâo sa thŭn mrâo êđăp ênang jăk yâo hĭn. Atăt yang kpur wĭt kơ adiê, jing lui jih jang klei suăi êmăn, klei ênguôt hnĭng mơ̆ng thŭn hđăp, mjing kơ thŭn mrâo grăp čô mnuih mâo klei êđăp ênang, hdjul bul, kjăp jơ̆ng čhuang nao hlăm thŭn mrâo./.

Y-Khem pô mblang