Knăm Khai hạ klă klơ̆ng jing knăm mdlưh gơ̆ng drai, kreh dưi mkŏ mjing ti tlam hruê 7 tết čiăng bi ruê̆ dŭm hruê mdei tết. Hluê si klei bhiăn đưm, gŏng ngă yang hruê tết kreh mdơ̆ng ti anăp sang mơ̆ng hruê 23 mlan knhal tuč, amâodah êla hĭn jing hruê 30 tết. Ana kram kreh ngă gơ̆ng ngă yang dlông hlăm brô 5 – 6 met leh anăn dưi dơr kjăp, ti knăt ana kram anăn yuôl sa boh kông wĭl điêt leh anăn yuôl lu mta mnơ̆ng bi ala hluê si alŭ wăl, knhuah gru, klei bhiăn djuê ana. Mâo anâo diñu yuôl hla tei nan, ana đrao mblir mơar hrah mtah, pŏk hla drao, mơar mah amâodah rup hlô mnơ̆ng hŏng lăn čuh…mâo anôk di ñu yuôl kdô điêt, hlăm anăn mâo êhăng leh anăn đĭng buôt, tiêng liêng, mdŭm pŏk msei điêt prŏng, mlâo mnŭ, hla kyâo, êsŭn toi. Leh amâo angĭn thŭt, tiêng liêng leh anăn dŭm mta msei bi kpoh mâo ênai leng keng. Ti gŭ gơ̆ng drai pruê hbâo kô̆ leh anăn kêč rup hna.

Leh dŭm hruê drông Têt hơ̆k m’ak, truh kơ hruê 7 Têt, grăp gŏ sang mkŏ mjing s’aĭ knăm mtrŭn gơ̆ng ngă yang. Êlâo kơ mtrŭn gơ̆ng ngă yang, pô sang dưm mdhô̆ điêt, tinăn dưm boh mkai, brui mngưi, mnga... ti gŭ gơ̆ng ngă yang hŏng klei mĭn čiăng hưn mthâo hŏng lăn adiê gŏ sang ƀơ̆ng leh sa yan têt hơ̆k m’ak, trei mđao. Lehanăn, bi mgei gơ̆ng ngă yang čiăng kơ hla krô luh jih snăn mdlưh yơh gơ̆ng ngă yang lehanăn ba mnơ̆ng kƀăk ti gơ̆ng ngă yang ba kƀăk dưm ti ƀăng bhă (ƀăng bhă nao mŭt hlăm sang). Hŏng dŭm gŏ sang čhĭ mnơ̆ng, grăp hruê 7 Têt diñu mprăp mnơ̆ng dhơ̆ng ngă yang čiăng kơ jih sa thŭn čhĭ mnơ̆ng jăk găl, mă bruă tŭ jing hlăm thŭn mrâo. Pŏk rup gơ̆ng ngă yang hlăm hruê Têt nao mŭt leh hlăm klei čih, klei yăl dliê mơ̆ng djuê ana msĕ si “Čĭm praĭ, mkai êsŭn, klei mđăo/ Gơ̆ng ngă yang/phao briêng/ ƀêñđiŏ mtah”./.