VOV4.Êđê- Ƀri hruê kyua mnuih djŏ drao ruă dioxin Việt Nam (10/8), ti Kon Tum, Klei rang mdah “Dioxin – Klei khăp lehanăn Klei kpă” mâo Êpul hgŭm mnuih djŏ drao ruă dioxin Việt Nam, Binh chủng hóa học lehanăn Anôk bruă sang čư̆ êa čar Kon Tum bi hgŭm mkŏ mjing jak iêu leh lu mnuih nao dlăng. Klei ksiêm yap mơ̆ng Sang kriê pioh mnơ̆ng čar Kon Tum brei thâo: Hlăm 20 hruê êgao mâo êbeh 1 êbâo čô nao leh ti knăm anei.

Hlăm ênoh anăn, mâo lu mnuih ala tač êngao lehanăn mnuih djŏ drao ruă dioxin Việt Nam djŏ êa drao ruă hlăm ênuk bi blah wưng thŭn 1961 - 1971. Pŏk ƀăng truh kơ jih hruê 25/8, knăm anei hưn mthâo giăm 400 pŏk rup, hră m’ar, mnơ̆ng dhơ̆ng. Mơ̆ng knăm anei, mnuih ƀuôn sang lehanăn tuê hiu čhưn srăng thâo săng klă hĭn kơ klei truh jhat mơ̆ng drao ruădioxin hŏng wăl hdĭp mda lehanăn klei suaih pral anak mnuih drei.

                                                    Pô mblang: H’Nêč Êñuôl