VOV4.Êđê - Ƀri bi hdơr 77 thŭn Hrue mkŏ mjing lăn čar 2/9, tlam hrue 25/8, ti wăl krah Đinh Văn, kdriêk Lâm Hà, čar Lâm Đồng, čar mkŏ mjing leh klei bi lông dŭm êpul hgŭm dhar kreh – klei kưt mmuiñ ênhiang djuê ana tal 1 thŭn 2022.

Nao hlăm klei bi lông anei mâo truh 260 čô mnuih mbruă mơ̆ng phung ƀuôn sang dôk hlăm 13 êpul hgŭm dhar kreh – klei kưt mmuiñ mơ̆ng čar Lâm Đồng, klei bi lông anei kñăm mpŭ kơ dŭm klei tŭ dưn dhar kreh ênhiang djuê ana pô. Hlăm dua hrue bi lông, mâo 53 mta klei kưt muiñ mpŭ mni kơ Đảng, kơ Awa Hô, mpŭ mni kơ ƀuôn sang lăn čar srăng mâo dŭm êpul hgŭm mdah hŏng lu hdră klei kưt klei muiñ, klei duê, lehanăn klei pĕ tông kdrăp djuê ana pô./.

Y-Khem pô mbllang