VOV4.Êđê- Tlam mbrue (5/5), ti ƀuôn prŏng Hồ Chí Minh mkŏ mjing leh knăm hgŭm ngă “Fado Go hrăm mbĭt hŏng V Gaming čiăng mâo mă klei dưi hlăm klei bi lông SEA Games 31 thŭn 2022”. Mơ̆ng anăn, Fado Go srăng đru kơ dua êpul E-Sport jing mjuăt asei mlei điện tử kơ klei hâo hưn, lehanăn dŭm mta mnơ̆ng mđup brei mơ̆ng dŭm êpul bi lông E-Sport mâo klei tŭ dưn hĭn hlăm klei bi lông. Klei hgŭm dua nah mjing kơ mnuih yua mâo blei mnơ̆ng mnuă mơ̆ng êpul E-Sport hlăm jih jang hdră êlan mơ̆ng E-Sport pŏk. Êngao anăn êpul bruă anei lŏ duh kơ klei čiăng iêo jao lu mnuih sa ai, đru kơ E-Sport đĭ kyar ktang. Klei găl mơ̆ng bruă mjuăt asei mlei điện tử jing prŏng snăn găl ênưih kơ bruă mđĭ kyar mgi dih. Êlâo hĭn, hŏng klei hgŭm tal anei pô đru ba čang hmăng đru kơ Việt Nam dưi mâo mă klei dưi lu hĭn êjai lăn čar pô mkŏ mjing klei bi lông SEA Games hlăm lăn čar./.

Pô mblang: Y-Khem Niê