VOV4.Êđê - Găn leh 36 trăn klei bi lông ti ƀuôn prŏng Đà Lạt, čar Lâm Đồng, gưl bi lông tal êlâo mjưh ruĕ hlăm hrue 4/7. Klei bi lông knhal tuič mơ̆ng gưl tal ruĕ Futsal HDBank gưl ala čar 2022 plah wah dua êpul Thái Sơn Bắc lehanăn Sài Gòn FC mjưh ruĕ, êpul Sài Gòn FC ƀơ̆ng hŏng ênoh 3-0.

Snăn mjưh ruĕ gưl bi lông tal êlâo, Sahaco jing êpul ba akŏ hŏng 20 puăng, lehanăn jing dua êpul Thái Sơn Nam, Thái Sơn Bắc mâo puăng mdrăng 15 puăng, Sài Gòn FC 14 puăng. Dăp knhal tuič jing dua êpul Cao Bằng, lehanăn Tân Hiệp Hưng, hŏng ênoh 5 puăng. Tui si êpul mkŏ mjing, hlăm jih gưl bi lông gưl nao lehanăn gưl wĭt mkŏ mjing ti Đà Lạt brei ƀuh, êpul bi lông mâo bi kjăp hĭn hŏng yan bi lông êlâo. Klei anei, srăng mâo dŭm trăn bi lông jăk knhal tuič yan bi lông anei ti Cần Thơ hlăm mlan 10 kơ anăp./.

Y-Khem pô mblang