VOV4.Êđê- Leh 2 hruê kăm mkŏ mjing, mmăt hruê 30/6, ti ƀuôn prŏng Ƀuôn Ama Thuôt, čar Dak Lak, Klei bi lông kdŏ mmuiñ kluôm ala gưl tal 2, thŭn 2021 mjưh ruê̆. Mkŏ mjing mơ̆ng hruê 17/6 truh hruê 30/6, Klei bi lông tal anei mâo 22 anôk bruă, hŏng giăm 300 klei bi lông kdŏ mmuiñ, bi kƀĭn êbeh 1000 čô mmuiñ, kdŏ leh anăn phung mă bruă mơ̆ng dŭm anôk nao hgŭm.

Hlue si klei ksiêm dlăng mơ̆ng anôk bruă mkŏ mjing, klei bi lông tal anei mâo lu hdră kdŏ mmuiñ mâo hnơ̆ng jăk kơ boh phŭn leh anăn klei kdŏ mmuiñ lu mnuih ƀuôn sang khăp dlăng. Lu hdră hlăm klei bi lông mâo klei tŭ dưn jăk, akŏ klă mngač, mkŏ mjing jăk. Êngao kơ klei bi lông jiă kma knhuah mdê hjăn mơ̆ng grăp krĭng jing klei bi lông yua lu boh blŭ mrâo mrang hŏng klei mbruă, kjăp mjing sa klei jăk siam hlăm ênhiang mmuiñ leh anăn kdŏ Việt Nam./.

                                               Pô mblang: H’Zawut Ƀuôn Yă