VOV4.Êđê- Leh 4 hruê mkŏ mjing, ti Wăl knhuah gru lăn mnga ala čar Măng Đen, wăl krah Măng Đen, kdriêk Kon Plŏng, čar Kon Tum mkŏ mjing leh Knăm mjưh ruê̆ Klei bi lông kdŏ mmuñ krĭng Trường Sơn - Lăn dap kngư pŏk mlar tal III thŭn 2022.Ti knăm anei, mâo hlăm brô 100 klei kdŏ mmuñ, 19 kdrăp čŭt h’ô, 19 hlao mnơ̆ng ƀơ̆ng djuê ana... hŏng kiê kngan mbruă mơ̆ng phung mbruă jih ai tiê hluê ngă.

 Nguyễn Công Trung, K’iăng khua Knơ̆ng bruă Dhar kreh hlăm Phŭn bruă Dhar kreh – mjuăt ktang asei mlei lehanăn hiu čhưn ênguê brei thâo: Mbĭt hŏng klei tŭ jing kluôm, knăm bi lông tal anei lŏ mâo boh tŭ yuôm hlăm bruă kriê pioh, mđĭ lar dŭm boh tŭ yuôm dhar kreh djuê ana mơ̆ng đưm. Ti knăm mjưh ruê̆, Anôk bruă mkŏ mjing mđup brei leh Hră pah mni lehanăn hla čhiăm gru kơ19 êpul êya mâo boh tŭ êdah kdlưn đru mguôp hlăm knăm anei lehanăn lu klei pah mni mkăn./.

                                                    Pô mblang: H’Nêč Êñuôl