VOV4.Êđê - Tlam 20/4 ti ƀuôn prŏng Pleiku, Knăm mơak Dhar kreh dŭm djuê ƀiă čar Gia Lai tal sa thŭn 2022 mjưh ruê̆ leh. Leh 2 hruê hgŭm hlăm dŭm bruă ngă, giăm 800 čô thâo mbruă mơ̆ng 16 kdriêk, wăl krah, ƀuôn prŏng ba kơ ƀuôn prŏng Plei Ku ai êwa kdrăm kơah, jiă kma dhar kreh djuê ana.

Dŭm êpul lŏ mkŏ mjing wăl hdĭp mda êpul êya hlăm dŭm mta bruă: tông čing čhar, mmuiñ ênhiang djuê ana, yua kdrăp tông ayŭ djuê ana, mdah klei krah rup hŏng kyâo, hrĭ mñam, pơ̆k mñam… Jih jang kdrăp mnơ̆ng, gru hmô mơ̆ng dŭm êpul msĕ si sang roong, msat… dưi ngă mơ̆ng kyâo, kram mơô. Anôk bruă mkŏ mjing mđup brei leh hră pah mni, hla čhiăm gru bi hdơr kơ dŭm êpul mâo klei tŭ, kdlưn hĭn hlăm knăm mơak. Êpul thâo mbruă kdriêk Čư̆ Pah mâo klei pah mni mrô sa mmuiñ ênhiang djuê ana; êpul thâo mbruă Plei Ku mâo klei pah mni mrô sa klei kdŏ djuê ana leh anăn tông čing čhar, êpul thâo mbruă kdriêk Đăk Đoa mâo klei pah mni mrô sa klei rang mdah kdrăp tông ayŭ djuê ana./.

H’Zawut pô mblang