VOV4.Êđê - Hlăm hră mtrŭn nmrô 2704 hruê 28/4/2022, K’iăng Khua Knŭk kna Vũ Đức Đam tŭ ư bruă mkŏ mjing 1 anôk mnha phoa briêng (hnơ̆ng dlông leh nanăn hnơ̆ng ti gŭ), wưng sui amâo êbeh 15 mbĭt hlăm Knăm mphŭn pŏk Klei bi lông mjuăt asei mlei Ngŏ Dhŭng Asi tal 31 Việt Nam (SEA Games 31) hlăm mmăt 12/5/2022 ti tač mjuăt asei mlei ala čar Mỹ Đình, ƀuôn prŏng Hà Nội. K’iăng khua knŭk kna jao kơ Knơ̆ng bruă sang čư̆ êa ƀuôn prŏng Hà Nội gĭt gai bruă mkŏ mjing hlue ngă, hlăm anăn bi hgŭm tliêr kjăp hŏng Phŭn bruă dhar kreh, mjuăt asei mlei leh anăn hiu čhưn ênguê leh anăn dŭm anôk bruă djŏ tuôm hlăm hdră mprăp, pŏk ngă, rơ̆ng djŏ Hdră Knŭk kna mtrŭn, ba yua phao briêng leh anăn klei êđăp ênang, ngă hdră gang mkhư̆ Covid-19.

H’Zawut pô mblang