VOV4.Êđê - Aguah hruê (26/5), ti tač čưng boh Ƀuôn prŏng Ƀuôn Ama Thuôt, Êpul hgŭm čưng boh Việt Nam, Knơ̆ng bruă Dhar kreh, mjuăt ktang asei mlei lehanăn hiu čhưn ênguê Dak Lak lehanăn Hră klei mrâo Thiếu niên Tiền phong lehanăn Nhi đồng bi hgŭm mkŏ mjing gưl tal 3 Klei bi lông čưng boh U13 phung êdam ngiêk kluôm ala Đĭng Jô Yamaha 2022.

Nao hlăm klei bi lông anei mâo 7 êpul bi lông, mâo: Bình Dương, Khánh Hoà, Phú Yên, QNK Quảng Nam, Quảng Ngãi, Hoàng Anh Gia Lai lehanăn Dak Lak. Mbĭt hŏng gưl 3 mphŭn pŏk ti Dak Lak, snăn êpul 1,2,4 srăng mkŏ mjing ti dŭm čar, ƀuôn prŏng kluôm ala. Khădah jing sa tuôr bi lông, ƀiădah klei bi lông anei dôk hlăm hdră bi lông ala čar, phung bi lông jing hđeh mâo klei thâo čưng boh mơ̆ng dŭm alŭ wăl, dưi mjuăt bi hriăm, mâo klei thâo kdlưn hĭn./.

H’ Nêč pô mblang