VOV4.Êđê- Tlam hruê 1/7, ti tač čưng boh čar Kon Tum mkŏ mjing leh Klei bi lông Êran dŭm gưl thŭn phung mda asei ala čar thŭn 2022. Klei bi lông anei mâo Êpul hgŭm phung Êran Việt Nam bi hgŭm hŏng čar Kon Tum mkŏ mjing. Mkŏ mjing hlăm 5 hruê, mơ̆ng 1 – 5/7 ti Kon Tum. Knăm anei mâo 670 čô bi lông mơ̆ng 61 čar, ƀuôn prŏng lehanăn anôk bruă hlăm kluôm ala nao hgŭm.

Phung bi lông anei mơ̆ng 12 – 17 thŭn nao bi lông ti 136 mta klei hŏng 136 medai djăp mta. Mơ̆ng klei bi lông anei kñăm hmao ƀuh, hrŏng ruah lehanăn hriăm mbŏ phung nao bi lông mâo klei thâo kdlưn, êdei anăn nao bi lông hlăm ala čar lehanăn tar rŏng lăn./.

                                                    Pô mblang: H’Nêč Êñuôl